poem by salil...........

jeevan ki is aapadhaapi mein,
yah tak bhool gaya hoon main ki,
titli kitne rangon ki hoti hai,
kaise shabnam ki boondon se apne badan ko wo dhoti hai,
hawayen jab chalti hain to,
baalon mein kanghi kaise hoti hai,
baarish ki boondon mein chupke chupke,
chidya bhi nangi nahati hain,
hawayen jo bahen jor se ,
to kaliyan bhi dar jaati hain,
khwabon ko udne ke liye,
paison ki nahin pankhon ki zaroorat hoti hai,
bachche jab muskuraate hain to,
usme khuda ki shararat hoti hai,
maa ke haanthon ki roti mein,
jannat si jaan hoti hai,
doston ke gale milne se ,
kaise mushkilen aashan hoti hain,
chaand jab aata hai falak pe,
raat ka dil kaise jor se shor karta hai,
par-
bhoolte bhoolte bhi yaad yahi rah jaata hai,
har ek bhool mein aag hoti hai,
jiski jalti bhujti lapton mein,
ek nayi raah ezaad hoti hai,
jeevan ki is aapadhaapi mein,
yah tak bhool gaya hoon main ki.